Apna Gham leke kahi.n aur na jaayaa jaaye
Ghar me.n bikhri hui chizo.n ko sajaya jaaye
Ghar me.n bikhri hui chizo.n ko sajaya jaaye
Jin chiraGo.n ko havaao.n kaa koi Khauf nahi.n
Un chiraGo.n ko havaao.n se bachaya jaaye
Un chiraGo.n ko havaao.n se bachaya jaaye
Baag me.n jane ke aadaab huaa karte hai.n
Kisi titali ko na phoolo.n se uDaya jaaye
Kisi titali ko na phoolo.n se uDaya jaaye
Khudkushi karne ki himmat nahi.n hoti sab me.n
Aur kuchh din yuu.N hi auro.n ko sataya jaaye
Aur kuchh din yuu.N hi auro.n ko sataya jaaye
Ghar se masjid hai bahut door chalo yuu.N kar le.n
Kisi rote hue bachche ko ha.Nsaya jaaye
Kisi rote hue bachche ko ha.Nsaya jaaye
-Nida Fazli
No comments:
Post a Comment
Thank you for submitting a comment! Please visit more often and share your thoughts. :)